తెలుగు
స్వాగతం! వర్డ్ప్రెస్ను, దాని అలంకారాలను, ప్లగిన్లను తెలుగు లోనికి తీసుకురావడానికి ఈ తెలుగు జట్టు కృషి చేస్తోంది. ప్రస్తుత ప్రగతిని చూడండి. మీరు కూడా మాతో చేరండి! మీ సహాయం కోసం అనువాద పదకోశం, తెలుగు అనువాద స్టైలుగైడు కూడా అందుబాటులో ఉన్నాయి.
రండి, జాలాన్ని మరింత తెలుగుమయం చేద్దాం!
స్థానికీకరణ అంటే కంప్యూటర్ అనువర్తనాలను స్థానిక భాషలలోనికి (స్థానిక వాడుక, వ్యవహారాలకు తగ్గట్టు) అనువదించడం. స్థానికీకరించిన అనువర్తనం పూర్తిగా స్థానిక భాషలో ఉంటుంది. ఉదాహరణకు తెలుగు వర్డ్ప్రెస్ డాష్బోర్డు:
తెలుగులో సినిమాలు ఉన్నాయి, వార్తాపత్రికలు ఉన్నాయి, టీవీ ఛానెళ్ళు ఉన్నాయి. అలాగే, కంప్యూటర్/మొబైలు అనువర్తనాలు కూడా తెలుగులో ఉంటే బాగుంటుంది కదా! మైక్రోసాఫ్ట్, ఆపిల్ వంటి సంస్థల ఉత్పాదనలు వారు తెలుగులో అందించే వరకూ ఎలాగూ వాడుకోలేము. కానీ స్వేచ్ఛా, ఓపెన్ సోర్సు ప్రాజెక్టులు వారి అనువర్తనాలను ఔత్సాహికుల సహాయంతో వివిధ భాషల్లో అందిస్తున్నాయి. ఎవరో ఏదో చేస్తారని ఎదురుచూసే బదులు, మనం ఈ ప్రాజెక్టుల స్థానికీకరణలో తోడ్పడితే వీటిని తెలుగువారందమూ తెలుగులో ఆనందించవచ్చు.
అంతర్జాలంలో ఇప్పుడు మూడోవంతు సైట్లు వర్డ్ప్రెస్ మీదే నడుస్తున్నాయి. ఇంత ప్రాముఖ్యమున్న వర్డ్ప్రెస్ తెలుగులో మాత్రం అందుబాటులో ఉండొద్దూ!? అందుకే ఔత్సాహికులం వర్డ్ప్రెస్ను తెలుగు లోనికి అనువదిస్తున్నాం. మీరు కూడా తోడ్పడవచ్చు.
ఐదు చిన్న అంచెల్లో వర్డ్ప్రెస్ స్థానికీకరణ చేసెయ్యవచ్చు.
అంతే! మీరు వర్డ్ప్రెస్కు తొలి అనువాదం చేసినట్టే! అలానే మిగతా పదబంధాలకు కూడా మీ అనువాదాలు చేర్చండి. అనువాదం చేయడంలో వచ్చే సందేహాలకు, అనువాద నాణ్యత కోసం ఈ క్రింది వనరులను సంప్రదించండి.
వర్డ్ప్రెస్ను తెలుగీకరించడంలో మరేమైనా సందేహాలుంటే ఈ సైటులో అడగండి. వర్డ్ప్రెస్ స్థానికీకరణ ప్రక్రియ గురించి పూర్తి అవగాహన కొరకు వర్డ్ప్రెస్ అనువాదకుల హ్యాండ్బుక్ కూడా చూడండి.
